Beautiful Muhabat Shayari – Love Poetry Ghazal

The prisoner of love cannot say anything in their own word and if they say is will be called poetry. Izhar e mohabbat or to express you love feeling is not an easy task. If you love some won you need some special word.

The collection of Shayari in Urdu, love shayari, ishq shayari, urdu Ghazal and Muhabat Shayari will give you a romantic idea to say your feelings to you lovers. In this Love Poetry Ghazal collection we are sharing Wasi Shah, Mohsin Naqvi, Abbas Dana and Haider Ali Aatish latest udru love poetry. Read and comment if you like thie poetry.

Wasi Shah Urdu Poetry:

Abhi to ishq main aisa bhi haal hona hai

Keh ashq rokna tum say muhaal hona hai

Her aik lab pay hai meri wafa ke afsanay

Teray sitam ko abhi la-zawal hona hai

Baja kay khaar hain lekin bahaar ki rut main

Yah tay hai ab kay humain bhi nehal hona hai

Tumhain khaber hi nahin tum to laut jao gay

Tumharay hijr main lamha bhi saal hona hai

Hamari rooh pay jab bhi azaab utrain gay

Tumhari yaad ko is dil ki dhaal hona hai

Kabhi to rooáy ga wo bhi kisi ki banhoon main

Kabhi to us ki hansi ko zawaal hona hai

Milain gi hum ko bhi apnay naseeb ki khushiyaan

Bas intezar hai kab yay kamal hona hai

Her aik shakhs chalay ga hamari rahoon per

Muhabaton main humain woh misaal hona hai

Zamana jis kay gham-o-paich main ulajh jaye

Hamari zaat ko aisa sawaal hona hai

“Wasi” yaqeen hai mujh ko wo laut aaye ga

Usay bhi apnay kiye ka malaal hona hai

(By Wasi Shah)

Mohsin Naqvi Romantic Love Mohabbat Poetry Ghazal:

Suraj ko dafnanay aye

Dhalti shaam ke lambay saye

Dukh ne sukh ka saans liya hai

Kaash koi phir yad na aye

Aik hi rasta ham donon ka

Dekhain kon kahan tak jaye

Aaj ghaat se khushbu barsi

Jaise koi zulfain lehraye

Kaash koi samjhaye us ko

Laikin kon usay samjhaye

Tujh se yun bichda ho jaise

Pathar se sheesha takraye

Banjar dharti pooch rahi hai

Chaand pe kis ne shahar basaye

Woh khushbu ki mauj hai “MOHSIN”

Kon us ki tasveer banaye

(By Mohsin Naqvi)

Beautiful Love poetry in Urdu by Abbas Dana:

Apne khawbon main tujhe jis ne bhi dekha hoga

Aankh khulte hi tujhe dhoondne nikla hoga

Zindagi sirf tere naam se mansoob rahe

Jane kitne hi damaghon ne ye socha hoga

Dost hum us ko hi paigum-e-karam samajhenge

Teri furqat ka jo jalta hua lamha hoga

Daman-e-zeest main ab kuch bhi nahin hai baaqi

Maut aaye to yaqeenan usay dhoka hoga

Roshani jis se utar aaye lahoo main mere

Ae masihaa woh mera zakhm-e-tamanna hoga

(By Abbas Dana)

Urdu Sad Ghazal by Haider Ali Aatish:

Yeh aarzoo thi tujhe gul ke ru-ba-ru karte

Hum aur bul-bul-e-betaab guftagu karte

Peyum-bar na muyasar hua to khoob hua

Zabaan-e-gair se kya sher ki aarzoo karte

Meri tarah se maah-o-mahar bhi hain aawara

Kisi habib ko ye bhi hain justaju karte

Jo dekhte teri zanjeer-e-zulf ka aalam

Aseer honay ke aazad aarzoo karte

Na pooch aalam-e-bargashta taali’-e-Aatish

Barasti aag main jo baraan ki aarzoo karte

(By Haider Ali Aatish)

Haider Ali Aatish New Mohabbat Ghazal Poetry Collection:

Yaar ko main ne mujhe yaar ne sonay na diya

Raat bhar taal’i-e be-daar ne sonay na diya

Ik shab bul-bul-e-betaab ke jaage na naseeb

Pehlu-e-gul main kabhi khaar ne sonay na diya

Raat bhar ki dil-e-betaab ne baaten mujh se

Mujh ko is ishq ke beemar ne sonay na diya

(By Haider Ali Aatish)

Wasi Shah Full Sad Romantic Love Pyar Mohabbat Poetry:

Samandar main utarta hun to aankhain bheeg jaati hain

Teri aankhon ko parhta hun to aankhain bheeg jaati hain

Tumhaara naam likhne ki ijaazat ch-iin gayi jab se

Koi bhi lafz likhta hun to aankhain bheeg jaati hain

Teri yaadon ki khushbu khirkiyoun main raqq-s karti hai

Tere gham main sulagta hun to aankhain bheeg jaati hain

Main hans ke jhail laita hun judaye ki sabhi rasmain

Galey jab us ke lagta hun to aankhain bheeg jaati hain

Na-jaane ho gaya hoon is-qadar hasaas main kab se?

Kisi say baat karta hun to aankhain bheeg jaati hain

Woh sub guzrey hue lamhaat mujh ko yaad aatey hain

Tumhare khat jo parhta hun to aankhain bheeg jaati hain

Main saara din bohat masroof rehta hun magar juunhi

Qadam chau-khat pe rakhta hun to aankhain bheeg jaati hain

Har ik muflis ke maathay par alam ki daastaanain hain

Koi chehra bhi parhta hun to aankhain bheeg jaati hain

Barey logon ke oonchay bad-numa or sard mehlon ko

Ghareeb aankhon se takta hun to aankhain bheeg jaati hain

Tere koochey se ab mera taal-luq waajibi sa hai

Magar jab bhi guzarta hun to aankhain bheeg jaati hain

Hazaron mosamon ki huk-marani hai mere dil par

“Wasi” main jab bhi hansta hun to aankhain bheeg jaati hain!!

(By Wasi Shah)